इस्तानबुल, २१ साउन । टर्कीका सुरक्षा बलहरूले प्रतिबन्धित कुर्दिस्तान वर्कर्स पार्टी ९पीकेके० का दुई सदस्यलाई उत्तरी इराकमा मारेको र अर्का एक जनालाई पक्राउ गरेको टर्कीको रक्षा मन्त्रालयले शनिबार जनाएको छ।

अपरेशन क्लाउ लक जोनमा भएको झडपको क्रममा पिकेका सदस्यहरूलाई मारिएका हुन, जबकि एक महिला लडाकूलाई पक्राउ गरिएको रक्षा मन्त्रालयको विज्ञप्तिमा भनिएको छ।

टर्कीका कमाण्डोहरूले आफ्नो खोजी र गिरफ्तार अभियानको क्रममा हसानावा क्रिक नजिकैको गुफामा सो समूहसँग सम्बन्धित ठूलो हतियार पत्ता लगाए, अर्ध आधिकारिक अनाडोलु एजेन्सीले अज्ञात रक्षा मन्त्रालय स्रोतहरूलाई उद्धृत गर्दै रिपोर्ट गरे।

कमाण्डोहरूले झडप भएको गुफामा खोजी गर्दा १५ हजार ४ सय राउन्ड एन्टी एयरक्राफ्ट गोला बारुद बरामद गरेको बताइएको छ। स्रोतका अनुसार यो गुफा क्षेत्रमा अहिलेसम्म भेटिएको सबैभन्दा ठूलो हतियार हो। साथै, एम १६ र एके ४७ राइफल तथा धेरै गोलीहरु पनि बरामद भएका छन् । सो क्रममा हाते ग्रेनेड, दुई एक्शन क्यामेरा र थर्मल दूरबीन जफत गरिएको थियो, अनाडोलु एजेन्सीले रिपोर्ट गरेको छ।

गत वर्ष अप्रिलमा टर्कीको सीमा नजिकै मेटिना, जाप र अभासिन बास्यान क्षेत्रहरूमा पीकेकेका लुकेका ठाउँहरूलाई लक्षित गर्दै सो अभियान सुरु गरेको थियो । सो समुहलाई टर्कि, संयुक्त राज्य अमेरिका र युरोपेली संघद्वारा आतंकवादी संगठनको रूपमा घोषणा गरेका छन । 

 पीकेकेले तीन दशकभन्दा बढी समयदेखि टर्की सरकारविरुद्ध विद्रोह गर्दै आएको छ।